مجلة ملتقى الشعراءوالأدباء....عايش بدعاكي ورضاكي...بقلم المتألق والمبدع مصطفى العطيه
عايش بدعاكي ورضاكي
ودعاكي نور رباني
يشفي كل الامي
وطيفك مالي حياتي
ولا يوم صورتك انساها
صاحي كنت اونايم
وبسمتك الحلوة في عنية
عايشة معايا اوقاتي
في كل دروبي ووجداني
تمسح دموعي وأوجاعي
ولسعادتي ورضايا وخداني
ومهما غبتي عن عيني
حبك بقلبي باقي
وعايش في ذكرة عمري
بفكرك وحبك وحنانك
ودلعي وانا صغير
وايامي في شبابي وكمالي
وخضوعي وكسري
في شيبتي وضعف حالي
ودفء ايدك تمسح
علي خدي وراسي
ويسري في عروقي ودمي
وياخدني في احلام واماني
مين بعدك ياما
يحس بحالي واشجاني
وصمتي في حزني وافراحي
وكلامي من المي ووجعي
ولا ابوح الا ربي
وصلاتي على نبينا محمد
وقلمي في يدي ابوح
اكتب اشعاري ولحني
ويلومني حبايبي وعزالي
ويزيدوا من صمتي وحزني
ونفسي اتوب والله
من بوحي وشعري
ارجع وياخدني الشوق من تاني
لكن انتي بتقرأي اسراري
وتعرفي جيبي مليان او فاضي
وتسألي كلت ولا شربت
في زحمة الدنيا ونسياني
وفى مرضي ياما وبعد رحيلك
وفي يوم بعمل عملية
والاطباء الجراحين حواليه
ومشارط واجهزة طبية بتقطع فيه
وانا صاحي بنصي من فوق
ولا داري بنصي التحتاني
ولقيتك يااما بجواري
جانبي وعينك بصة وحارساني
وبتدعي ربي في سرك
سبحانه هو الشافي
ودموعي نزلت علي خدي
ورحتي ولوحدي سيباني
كان نفسي اخدك في حضني
واشبع بوصالك وحنانك
حتى لو اموت واكون بجوارك
لكن طيفك كان مالي وجداني
وبدعاءك مستور بين اهلي واحبابي
والرزق ميسور وربنا الكافي
والبركة زايدة وربي بمشيئتة راضي
ورسول الله وصاني
قال امك..امك..ثم امك
وابوك الصاحب التاني
ورجائي يااما وامالي
اشوفك دايما في منامي
تاخديني في حضنك بيساني
تمسحي دموعي من خدي
ويعيش طيفك بجواري
في ليلي ونهاري وايامي
ويطفي شوقي واشجاني
واخر لقائي وكلامي
سلامي وخالص تحياتي
والرحمة من ربي الهي
كلمات الشاعر : مصطفى العطيه
٢٠٢٠/٢/١٦
طنطا
تعليقات
إرسال تعليق